يتم التشغيل بواسطة Blogger.
RSS

إنعش قلبك :)



"إنعش قلبك وعقلك بذكر الله"
ده كان أسم رمضان بالنسبه لينا السنة اللي فاتت
نيللي علي .. كانت هي قائده الحملة دي 
واللي أنا متأكده إنها خدت فينا ثواب كبير اووووي لما شجعتنا عشان نبدأها
الفكرة بدأت لما هي أقترحت علينا إننا نكون مجموعة واحدة كلنا بنات 
و نرتب عبادتنا مع بعض
قراءة قرآن و سماعه وتفسيره و الأذكار 
والأستغفار والتسبيح و تفسير حديث وقيام الليل
أو حتي البرامج الدينية اللي بنتفرج عليها
جدول كل يوم كنت بحاول علي اد ما اقدر امشي عليه
برغم إن وقتها كان وقت قاتل في حياتي وماكنتش فاضيه لأي حاجة 
بسبب التجهيز لفرحي
بس كأن ربنا بعتلي نيللي عشان تخليني مش اتوه
وعشان تفكرني إن كلنا مع بعض وبمساعدتنا لبعض هنقدر
ولما بنكتب تقرير كل يوم ونلاقي نفسنا مقصرين 
بنشجع بعض إننا بكره نبقي أحسن
ده غير إننا كنا بنعرف معلومات جديده من بعض 
لما حد مثلاً بينزل تفسير حديث مش نعرفه
أو بتحديد الأحاديث الضعيفه مثلاً
حاجات كتير أوي كانت بتخليني من جوايا في هدوء أنا كنت حباه اوي
وأعتقد إن دي من اكتر الأوقات اللي قريبه من قلبي 
و كنت بتمني نكررها السنادي كمان 



(حاولت ادور كتير علي البيدج بتاعتنا اللي كنا بنكتب فيها تقرير كل يوم 
بس للأسف مش لاقتها)

  • Digg
  • Del.icio.us
  • StumbleUpon
  • Reddit
  • RSS

8 التعليقات:

Unknown يقول...

ربنا يجازيكم خير إنتي و نيللي
بجد من أصفى القلوب اللي عرفتها :)

Hanan w Haneen يقول...

ايوة انا فاكرة حاجة زى كده كانت حلوة اوييييي

نيللي علي يقول...

بجد ده أكتر رمضان كنت مبسوطة فيها وكنت فرحانة بتشجعينا لبعض حتي فاكرة الرسايل اللي كنا بنبعتها لبعض!!

بجد الإنسان لما بيقرب من ربنا بيحس أن قلبه هينفجر من السعادة!!

وبجد أنا سعيدة بكل كلمة كتبتيها وسعيدة أني قدرت أساعدك في وقت من الأوقات..عشان تفضلي طول حياتك فاكرني وتدعيلي :))

Bent Men ElZman Da !! يقول...

شيرين سامي

ياااارب إحنا وإنتِ يا شيرين
إنتِ من أجمل الشخصيات والقلوب اللي قابلتهم
و اوقات كتير بتقويني من غير ما تحسي :)

Bent Men ElZman Da !! يقول...

حنون

ااااه اوووي
خساره إننا مش عملنا كده السنادي :(

Bent Men ElZman Da !! يقول...

نيللي

فعلاً كان وقت مش هيتكرر والرسايل لسه محتفظة بيها لدلوقتي :)

ماعتقدش إني هاعرف انساكي حتي لو عدي وقت
وأنا بدعيلك من زمان اصلا :)

Sara Mahamed يقول...

يااااااااااه جميل أوي ده
ربنا يجازيكم كل خير
وحقيقي أنتى من أكتر الناس المحترمة الصافيه اللي اتشرفت بمعرفتها :)

Imane Belâbbes يقول...

حلو الجو الإيماني الجماعي الذي يجمعنا في شهر رمضان في مبادرات مثل هذه .. لكن هذه السنة مختلفة .. الكل مجتمع على التحليل السياسي أكثر من اهتمامه بركعتين و قراءة صفحة من القرآن .. :(

تحياتي لكـِ دينا .. :)

إرسال تعليق