الواحد مننا مايعرفش يعيش من غير هدف
وعشان كده أنت من اول ما بتفكر في حياتك حقيقي بتبدأ تحط أهداف
مش قصدي هدفك وأنت في المدرسة إنك تنجح
قصدي هدفك في حياتك العمليه بعد كده
لما بتخطط لحياتك الجايه إذا كنت من النوع المنظم
هتلاقي نفسك عملت خطوات للي عايز تعمله
بس لو كنت من النوع اللي عايش بالبركه هتقول أنا وحظي بقي
في الحالتين إحنا بنوصل لحاله محدده
لو الهدف ده أتاخر عن الوقت اللي إحنا متوقعينه يتحقق فيه
وفي الغالب الوقت ده مش بيكون كبير
ووارد يكون مش متناسق الوقت مع حجم هدفك كمان
يعني تخيل واحد عايز يتجوز في خلال سنه وهو مش معاه أى حاجه
هيعمل ايه؟ هيجيله أحباط طبعاً
واحد عايز يسافر يشتغل وهو مش معاه شهاده أو فلوس مثلاً
هيعمل ايه ؟ هيكتئب بردو
انتوا عارفين المشكلة بتبقي في ايه؟
إننا من البداية ماتعملناش ثقافه الهدف
ثقافه الهدف دي بتبقي في التربيه أصلاً
في ناس ماقدرتش تتعود إنهم من الطفوله بيحوشوا فلوس عشان يشتروا لعبه
مش لأن اهلهم مش قادرين يجبوها ليهم
لا .. ده عشان يتعلموا يبقي عندهم هدف
إحنا عايزين كل حاجه بسرعه بسرعه
مش بنفكر إحنا ممكن نستني اد ايه
وممكن نعمل ايه عشان نوصل للي إحنا عايزينه
أنا مش بتكلم بصفه عامة
في ناس قادره تحط اهدافها قدام عينيها وتحدد خطوات للوصول للهدف ده
ومهما طال الوقت مش بيجيلهم أحباط
لأنهم عارفين طالما بيجتهدوا يبقي إن شاء الله هيوصلوا
الفكرة بقي في الناس اللي عايشة كده زي ما تيجي تيجي
واللي لو في مرة حدد لنفسه هدف وماتحققش في خلال شهر بيُحبط
وده لأنه مافكرش هو عمل ايه عشان يوصل للهدف ده أصلاً
ثقافه الهدف لازم تتزرع فينا من البداية
عشان نقدر نتحملها وماتبقاش عبء علينا
وكمان عشان دايماً يبقي عندنا هدف في حياتنا لازم نوصله
مهما كان هدفك لازم تصبر عليه وتخططله كويس
و الأهم تشتغل علي نفسك عشان تستحق توصله
22 التعليقات:
جميييييييييييل يا دينا جدا اتفق معاكى بقوة شابواااا
في اليابان بيخلوا الأطفال يجمعوا جزء من مصروفهم من الحضانة لسادسة ابتدائي وأكتر واحد جمع فلوس بيجيبوله هدية بتمن اللي حوشه وبيطلعوهم رحلة بفلوسهم دي عشان يحسوا بأهمية الفلوس وتحويشها :)
أتمنى الفكرة دي تتطبق عندنا،ع الأقل عشان الأطفال تحس بأهمية الفلوس وما يبعتروهاش في كل حته كدا :)
حتى الجدات والأجداد لما الأب والأم بيموتوا ويسيبوا أطفال،عمر الجدات والأجداد بيطول عشان بيبقى عندهم هدف وهو تربية الأطفال :)
الهدف مهم جدًا في حياتنا ولازم نحاول ندور على هدف عشان يفضل عندنا أمل في الحياة :)
تدوينة حلوة يا دينا
في انتظار القادم
تحياتي
:)
أنا فعلاً من النوع اللي لازم يبقى ليا هدف معين في حياتي أعمله .. عشان كده عندي كذا هدف أني أحققهم مش هدف واحد بس!
تسلم إيدك يا دينا :)
جميل كلااامك يادودو
حاسة انه تعليق على تدوينتي النهاردة .. بمناسبة الاهداف وكده :D :D
انا فعلا معرفتش اخطط صح لأهدافي
Sara
عشان كده بقولك ياسارة إن لازم الموضوع ده يبقي من التربيه من البداية خالص
لان زرعه بعد كده صعب جداااا
الواحد من غير هدف بيبقي من غير امل
تحياتي ليكِ :))
Radwa Ashraf
أنا بحب دماغك اووووي يا رضوي في كده
بحب أنك عندك هدف وبتحاولي علي اد ما تقدري تحققية
إنتِ جميله :))
Hanan w Haneen
تصدقي بقي انا مش قرأت لسه البوست بتاعك
ايه توافق الأفكار ده :)))
مش مهم قبل كده المهم اللي جاي بعد كده بقي :)
وضع هدف والسعي لتحقيقه أفضل بكثير من العيش بشكل فوضوي أو " أهي عيشة والسلام " .. تدوينة مهمة يا دينا ..
::
ربنا معاكم .. ربنا يستر :/
طبعا مسألة وضع هدف للإنسان منذ صغره مسألة مهمة جدا ولكن قبل ذلك يجب أن نفهم أولادنا جيدا ونحدد ميولهم النفسية والعقلية والعاطفية والفكرية وكل هذه أمور بعيدة كل البعد للأسف عن ثقافتنا العربية والشرق أوسطية
تحياتي دينا مدونتك أكثر من رائعة
معاكي حق
بس للأسف احنا كشعب مصري
مش عندنا ثقافة التخطيط عموما ووضع الأهداف
يعنى دايما نقول سيبيها علي ربنا . . . اللي فيه الخير يقدمه ربنا
وهكذا من الجمل والكلمات التى تشجع علي الفوضويه والتراكن
عموما البوست جميل وهادف
واتمنى كلنا نتعلم ثقافة التخطيط ووضع أهداف وطرق الوصول اليها وترتيبها حسب الأولوية
تحيــــــــاتي
تمام كلامك الله ينور :)
اخ جيتي ع الوجع :/
لو الإنسان عاش من هدف وحلم يسعاله يبقي يفرق أيه عن باقي المخلوقات!!
الإنسان عشان يحس بقيمته لازم يسعي لهدف وحلم!!
جميل دندون:)
انا عندى أهداف كتير :)
ماشية واحدة واحدة في تحقيقها وبفرح جدا لما بعرف احقق هدف منهم
كلام مهم
وجع البنفسج
مع وضع هدف في حياتك بتحس إن ليك قيمه اصلاً
إن شاء الله خير يا امتياز مش تقلقي :)
الكاتبة والإعلامية فاطمة العبيدي
أكيد أنا معاكي في رأيك ده بيتحدد من البداية في البيت يعني العبء بيكون علي الأم لأن ده واجبها
جايز بعد كده ينفع الموضوع يوصل للمدارس
هتكون خطوه كويسه في بناء الطفل نفسه
تحياتي ليكِ و أسعدني جداً وجودك :)
asmaa fathy
ما هو ده عيبنا يا أسماء
إحنا اتربينا علي إن كل حاجه نسيبها علي ربنا
بس إننا نسيب أى حاجه علي ربنا مش معناه إننا كمان مش نخطط
ربنا قال نتوكل عليه مش نتواكل
نورتيني بوجودك يا جميله :)
Israa' A. Youssuf
تسلمي يا إسراء نورتيني ^_^
أميرة
مش تقلقي يا أميرة دي مشكلتنا كلنا أصلاً
Nelly Aly
عايش من غير هدف .. عايش من غير أمل .. عايش من غير احساسك كأنسان
ده اللي أنا بشوفه بصراحه
إنتي أجمل يا نينو ^_^
Noha Saleh
ربنا يحققلك كل اهدافك يا نهي :)
نورتيني
مهما كان هدفك لازم تصبر عليه وتخططله كويس
و الأهم تشتغل علي نفسك عشان تستحق توصله
تدوينه حماسية جداً
يارب تحققي كل اللي تتمنيه ياقمر :*
تحياتي
إرسال تعليق