من فترة وأنا نفسي اعملي رُكن للعبادة
احط فية المصلية بتاعتي والأسدال و المصحف و الأمساكية
في البداية حطيت المصلية والاسدال مكان ما بصلي
بس اللي ماقدرتش اثبتهم في مكان
المصحف و الأمساكية و خاتم التسبيح
لأقتني باخدهم معايا مكان ما بروح
سواء بره البيت او في اى مكان بقعد فيه في البيت
بحب احساسي وهما جنبي ولو حد شالهم بقعد ادور عليهم
عشان كده ماكنش ينفع اثبتهم في مكان
أهم حاجة بالنسبالي في ده كله
مصحفي الصغير ده
المصحف ده معايا بقاله اكتر من 10 سنين
لما جدي مات كان في دولابه فـ خدته انا
ومن وقتها مابعرفش اقرأ في مصحف إلا هو برغم خطه الصغير
بس دايماً بيربط دماغي بصورة جدي
لما كان بيقعد يقرأ في المصحف قبل المغرب في اوضته
وانا اقف علي باب الأوضه افضل ابص عليه
واسمع صوته اللي كان جميل اوي لما بيقرأ القرآن
صوته وريحته اللي لسه في المصحف برغم السنين
والعلامات اللي كان حاطتها علي بعض الآيات
كل ده بيخليني احس بروحانيه العُزله اللي كان بيقعد فيها وهو بيقرأ القرآن
وكأن نفسي روحي تكتسب من روح عزلته شوية :)
4 التعليقات:
مبسوطة بجد أنك عملت ركن للعبادة..هيفضل أحلي وأجمل مكان لقلبك ربنا يقويكي يارب علي طاعته وحبه يارب:)
نيللي
هو مش ركن بالظبط يعني
بس مكان ما بصلي :)
ربنا يقويني ويقويكي يا نيللي إنتي السبب في الفكرة دي أصلاً :))
ربنا يرحمه ويحسن اليه
فكرة جميلة اوي :-)
حنون
اللهم آمين
ربنا يخليكِ يا حبيبتي :*
إرسال تعليق