الفيلم ده بيتهيألي من أفضل الأفلام بالنسبالي
مش عشان قصه الحب الفظيعة اللي فية
ولا عشان هو الفيلم اللي خلاني بعشق ماندي مور
لملامحها البريئة الصافية اللي مش موجودة في أي فيلم تاني ليها
لكن الفيلم ده فيه كمية أمل مش طبيعية
أمل إنك مهما كان جواك آلم أو يأس
فـ أنت بأصرارك وإيمانك هتقدر تتغاضي عن كل ده
وتكون أفضل من ما بتتمني أصلاً
في طاقة سعادة بكتسبها من الفيلم ده ماينفعش تتوصف
فيه حب صافي وبرئ و عذري أوي بحب احساسه
لما ببقي محتاجة ابتسامة بشوفها في الفيلم ده
لما ببقي محتاجة أمل بشوفه في الفيلم ده
لما ببقي محتاجة دموع بردو بحسها في الفيلم ده
بيتهيألي ده الفيلم الوحيد اللي لسه بيوجع قلبي بـ حُب لحد دلوقتي
و من ضمن الأفلام الكتير اللي مش بطلت احبها
ده غير إني بطلت أهتم أصلاً بالأفلام والأغاني زي قبل كده
بس دايماً هيفضل الفيلم ده ليه مكانه خاصة جوايا
2 التعليقات:
أنا كمان بحب الفيلم ده جدا..يمكن عشان بيعبر عن الحب بطريقة ناعمة!!
نيللي
ايوة الحب اللي من غير كلاكيع ده ومشاكل واشخاص ممله بتدخل في النص
الحب اللي معناه أنا وأنت وبس
بس الجميل بقي إننا إحنا كمان طلعنا مشتركين في حبنا للفيلم ده ^_^
إرسال تعليق