عيد ميلادك مش بس تورته فيها كام شمعه واحتفال وكل سنة وأنت طيب
لا .. عيد ميلادك فيه سنة فاتت من عمرك وسنة لسه جاية
سنة فاتت هتفضل تحاسب نفسك عليها
سواء كنت عملت حاجة كويسة وكانت محتاجة تكون أحسن
أو لو كنت قصرت في حاجة
وسنة جاية بتخططلها وتعمل اللي عليك وتسيب الباقي علي ربنا
وبتفضل تتمني من ربنا إن اللي مش اتحقق في السنين اللي فاتت
يتحقق في السنه دي
عشان كده يوم عيد ميلادك
خليك دايماً فاكر اللي أنت عملته صح وتشكر نفسك عليه
زي ما بردو تخليك فاكر اللي أنت ماقدرتش تعمله
و الأهم إنك تبقي فاكر إن زي ما كان في سنة جديدة بتيجي عليك
في كمان سنة من عمرك بتنقص
2 التعليقات:
السنين بتجري من عمرنا في سرعة الريح..المهم أننا نعرف نواكب سرعتها ونحاسب نفسسنا..ونعمل كل حاجة بنحلم بيها..والله المستعان!!
نيللي
السنين بتجري والمفترض إننا نكون بنجري ورا احلامنا بنفس السرعه
يمكن نقدر ويمكن مانقدرش
بس إدينا بنحاول :)
إرسال تعليق