من و أنا صغيرة كنت مختلفة عن كل أصحابي فى حكاية القراءة دى
لان مش كان حد فيهم بيحب القراءة أصلاً غيرى
وده أستمر معايا لحد فترة قريبة مش بعيدة
فاكرة كويس اووووى لحد دلوقتى أول يوم أشتريت فية قصة
ولما حوشت تمنها اللى كان مش يزيد اساساً عن 35 قرش
فاكرة لما خدت الفلوس وروحت المكتبة واشتريت القصة
وكأنت بالنسبة ليا كأنها كنز
وكأنت بالنسبة ليا كأنها كنز
أول قصة كنت أقراها كانت قصة قابيل وهابيل من سلسلة قصص الأنبياء
وبعدها بدأت اجمع فى السلسة دى
وكان صاحب المكتبة عرفنى وبدأ يحتفظ بالنسخ ليا عشان أكمل المجموعة كلها
وكان صاحب المكتبة عرفنى وبدأ يحتفظ بالنسخ ليا عشان أكمل المجموعة كلها
بعدها بدأ معايا بقى موضوع رجل المستحيل واللى كان مستحوذ عليا لفترة طويلة
وبعدين صرخة الرعب و ملف المستقبل و ما وراء الطبيعة
واللى مستمرة معايا لحد دلوقتى كل ما بلاقى فرصة أنى اجبها
واللى مستمرة معايا لحد دلوقتى كل ما بلاقى فرصة أنى اجبها
فاكرة أوى وانا صغيرة كل يوم احوش اتنين جنية ونص
و بعد الغداء اروح اشترى قصة
و بعد الغداء اروح اشترى قصة
وبردو الراجل حفظنى وبقى كل ما اروحلة يطلعلى كل الأعداد الجديدة
اللى كان بيجبهالى مخصوص
اللى كان بيجبهالى مخصوص
اخد القصة واقعد فى البلكونة أفضل اقرأ فيها لحد ما أخلصها
واروح أقول لماما أنا عايزه أجيب قصة تانى
طبعاً مامتى حبيبتى كان ردها جميل عليا
أنتى هتستهبلى دة أنتى كده عايزالك مرتب لوحدك للقصص دى :D
مُشجعة الحقيقة يعنى :D
بس بصراحة كنت بصعب عليها
وكانت بتجبلى قصص لما بتلاقينى قاعدة مش عارفة أعمل حاجة
كل ما كنت بكبر كل ما كنت بحس أن القصص دى مش كفاية بالنسبة ليا
وكان أول كتاب أقراه بعيداً عن النطاق ده
هو كتاب احسان عبد القدوس " يا أبنتى لا تحيرينى معك"
وده السبب فى قرأتى ليه ماما لانه كان عاجبها وشجعتنى اقراه
وبعدها انقطعت عن القراءة لفترة مع المذاكرة واللعب وحاجات كتير
وبعدين رجعت تانى مع كتاب كان بالصدفة مع صاحبتى
بتاع انيس منصور اسمه "قالوا"
بتاع انيس منصور اسمه "قالوا"
كان عاجبنى اسلوبة جداً وفكرة الكتاب اللى عبارة عن فقرات مش متصلة
لكن مرتبطة بموضوع واحد إلى حد ما
لكن مرتبطة بموضوع واحد إلى حد ما
بعدها بردو بدأت قراءتى تقل و مش كل الكتب بحب أقراها
ممكن كسل منى وكمان النت كان واخد حيز كبير اوى
لكن من سنتين بقى بالنسبة ليا الموضوع مختلف تماماً
شغفى للقراءة رجع من تانى وبشكل أكبر
مابقاش ليا نوع كتب معين بحب أقراه
أى كتاب بيقع قدامى بحب أقراه
و مع كل كتاب جديد بخلصة بحس أنى مستمتعه أكتر
كنت حاطه هدف ليا مع بداية السنه اللي فاتت أنى اخلص 30 كتاب
بس الحمدالله خلصت 80 كتاب
وقدرت أخلص المجموعة الشعرية لـ سوزان عليوان كلها
وبقيت حاطه قائمة بالكتب اللى نفسى أقراها
وأشتركت فى حملة أسترجل واقرأ 10 كتب فى الشهر
اللى اتعملت لمدة شهرين متتاليين على الفيس بوك
اللى اتعملت لمدة شهرين متتاليين على الفيس بوك
والحمدالله كنت من الاوائل فيها وكان ليا جوايز
أما السنادي كنت حاطة هدف إني أخلص 90 كتاب
عشان اتخطي اللي قرأته السنة اللي فاتت
بس بسبب الكسل وحاجات كتير لحد دلوقتي مش خلصت إلا 40 كتاب
لكن ناوية إن شاء الله احاول أوصل للهدف اللي حطيته قدامي
أما السنادي كنت حاطة هدف إني أخلص 90 كتاب
عشان اتخطي اللي قرأته السنة اللي فاتت
بس بسبب الكسل وحاجات كتير لحد دلوقتي مش خلصت إلا 40 كتاب
لكن ناوية إن شاء الله احاول أوصل للهدف اللي حطيته قدامي
القراءة مش بس شغف وحب للمعرفة
أنما بتخلى أسلوبك فى حاجات كتير أوى يتغير
بيخلى طريقتك فى الكلام وطريقتك فى الكتابة تتغير وتكون افضل
ده طبعا غير المعلومات اللى بتُضاف ليك
وفى مقولة بتقول
أنت لا تستطيع أن تفتح كتاباً من الكتب دون أن تتعلم منة شيئاً
ونفسى أستمر على كده ومفيش اى حاجه تشغلنى عن القراءة تانى
لما سألت ماما هو أنا اية اللى حببنى فى القراءة كدة
رغم أن مفيش أى جو مشجع حواليا ليها
قالتلى أن وأنا بيبى كانت بتقعد تقرألى قصص
وقريت فى علم النفس
أن ده بيشجع الأطفال من صغرهم على القراءة
وبيخليها حاسة من الحواس أكتر منها هواية عندهم
وبيخليها حاسة من الحواس أكتر منها هواية عندهم
ولذلك أنا أن شاء الله لما أجيب بيبى هاقعد أقرالة بصوت عالى
عشان يطلع بيحب القراءة أكتر منى :)
.jpg)
