يتم التشغيل بواسطة Blogger.
RSS

My passion ...





من و أنا صغيرة كنت مختلفة عن كل أصحابي فى حكاية القراءة دى
لان مش كان حد فيهم بيحب القراءة أصلاً غيرى 
وده أستمر معايا لحد فترة قريبة مش بعيدة

فاكرة كويس اووووى لحد دلوقتى أول يوم أشتريت فية قصة
ولما حوشت تمنها اللى كان مش يزيد اساساً عن 35 قرش
فاكرة لما خدت الفلوس وروحت المكتبة واشتريت القصة 
وكأنت بالنسبة ليا كأنها كنز
أول قصة كنت أقراها كانت قصة قابيل وهابيل من سلسلة قصص الأنبياء
وبعدها بدأت اجمع فى السلسة دى 
وكان صاحب المكتبة عرفنى وبدأ يحتفظ بالنسخ ليا عشان أكمل المجموعة كلها

بعدها بدأ معايا بقى موضوع رجل المستحيل واللى كان مستحوذ عليا لفترة طويلة
وبعدين صرخة الرعب و ملف المستقبل و ما وراء الطبيعة 
واللى مستمرة معايا لحد دلوقتى كل ما بلاقى فرصة أنى اجبها

فاكرة أوى وانا صغيرة كل يوم احوش اتنين جنية ونص 
و بعد الغداء اروح اشترى قصة
وبردو الراجل حفظنى وبقى كل ما اروحلة يطلعلى كل الأعداد الجديدة 
اللى كان بيجبهالى مخصوص
اخد القصة واقعد فى البلكونة أفضل اقرأ فيها لحد ما أخلصها
واروح أقول لماما أنا عايزه أجيب قصة تانى
طبعاً مامتى حبيبتى كان ردها جميل عليا
أنتى هتستهبلى دة أنتى كده عايزالك مرتب لوحدك للقصص دى :D
مُشجعة الحقيقة يعنى :D
بس بصراحة كنت بصعب عليها 
وكانت بتجبلى قصص لما بتلاقينى قاعدة مش عارفة أعمل حاجة

كل ما كنت بكبر كل ما كنت بحس أن القصص دى مش كفاية بالنسبة ليا
وكان أول كتاب أقراه بعيداً عن النطاق ده
هو كتاب احسان عبد القدوس " يا أبنتى لا تحيرينى معك" 
وده السبب فى قرأتى ليه ماما لانه كان عاجبها وشجعتنى اقراه
 وبعدها انقطعت عن القراءة لفترة مع المذاكرة واللعب وحاجات كتير
وبعدين رجعت تانى مع كتاب كان بالصدفة مع صاحبتى 
بتاع انيس منصور اسمه "قالوا"
كان عاجبنى اسلوبة جداً وفكرة الكتاب اللى عبارة عن فقرات مش متصلة 
لكن مرتبطة بموضوع واحد إلى حد ما
بعدها بردو بدأت قراءتى تقل و مش كل الكتب بحب أقراها
ممكن كسل منى وكمان النت كان واخد حيز كبير اوى

لكن من سنتين بقى بالنسبة ليا الموضوع مختلف تماماً
شغفى للقراءة رجع من تانى وبشكل أكبر
مابقاش ليا نوع كتب معين بحب أقراه
أى كتاب بيقع قدامى بحب أقراه
و مع كل كتاب جديد بخلصة بحس أنى مستمتعه أكتر
كنت حاطه هدف ليا مع بداية السنه اللي فاتت أنى اخلص 30 كتاب
بس الحمدالله خلصت 80 كتاب
وقدرت أخلص المجموعة الشعرية لـ سوزان عليوان كلها
وبقيت حاطه قائمة بالكتب اللى نفسى أقراها
 وأشتركت فى حملة أسترجل واقرأ 10 كتب فى الشهر 
اللى اتعملت لمدة شهرين متتاليين على الفيس بوك
والحمدالله كنت من الاوائل فيها وكان ليا جوايز
أما السنادي كنت حاطة هدف إني أخلص 90 كتاب
عشان اتخطي اللي قرأته السنة اللي فاتت
بس بسبب الكسل وحاجات كتير لحد دلوقتي مش خلصت إلا 40 كتاب
لكن ناوية إن شاء الله احاول أوصل للهدف اللي حطيته قدامي

القراءة مش بس شغف وحب للمعرفة
أنما بتخلى أسلوبك فى حاجات كتير أوى يتغير
بيخلى طريقتك فى الكلام وطريقتك فى الكتابة تتغير وتكون افضل
ده طبعا غير المعلومات اللى بتُضاف ليك
وفى مقولة بتقول
أنت لا تستطيع أن تفتح كتاباً من الكتب دون أن تتعلم منة شيئاً
ونفسى أستمر على كده ومفيش اى حاجه تشغلنى عن القراءة تانى

لما سألت ماما هو أنا اية اللى حببنى فى القراءة كدة 
رغم أن مفيش أى جو مشجع حواليا ليها
قالتلى أن وأنا بيبى كانت بتقعد تقرألى قصص
وقريت فى علم النفس
أن ده بيشجع الأطفال من صغرهم على القراءة 
وبيخليها حاسة من الحواس أكتر منها هواية عندهم
ولذلك أنا أن شاء الله لما أجيب بيبى هاقعد أقرالة بصوت عالى
عشان يطلع بيحب القراءة أكتر منى :)

  • Digg
  • Del.icio.us
  • StumbleUpon
  • Reddit
  • RSS

تناقض .. !





فى ناس بيحبوا أوى تبقى حياتهم مكتوب عليها شعار سرى للغايه
بس فى المقابل ...
بيبقى عندهم فضول قاتل إنهم يعرفوا كل سر فى حياة اللى حواليهم
زى ما أنت مش بتحب حد يِدّخَل فى خصوصياتك
 ماتسمحش لنفسك تَدّخَل فى خصوصيات حد


  • Digg
  • Del.icio.us
  • StumbleUpon
  • Reddit
  • RSS

الصور ...





الصور مش مجرد مواقف أو أشخاص
الصور عبارة عن تسجيل لحظات جميلة أوى فى حياتك
صعب تتكرر تانى بنفس الجمال
فى مقابل ده
فى صور لو الكاميرا لقطتها
بتفقدها لذتها وحلاوتها
عشان الأحساس الداخلى اللى جوانا بالصور دى
بيكون أعمق بكتير منها وده اللى الكاميرا مش بتقدر للأسف تلقطه!


  • Digg
  • Del.icio.us
  • StumbleUpon
  • Reddit
  • RSS

عيد ميلادك ...!




عيد ميلادك مش بس تورته فيها كام شمعه واحتفال وكل سنة وأنت طيب
لا .. عيد ميلادك فيه سنة فاتت من عمرك وسنة لسه جاية
سنة فاتت هتفضل تحاسب نفسك عليها 
سواء كنت عملت حاجة كويسة وكانت محتاجة تكون أحسن
أو لو كنت قصرت في حاجة
وسنة جاية بتخططلها وتعمل اللي عليك وتسيب الباقي علي ربنا 
وبتفضل تتمني من ربنا إن اللي مش اتحقق في السنين اللي فاتت 
يتحقق في السنه دي
عشان كده يوم عيد ميلادك
خليك دايماً فاكر اللي أنت عملته صح وتشكر نفسك عليه
زي ما بردو تخليك فاكر اللي أنت ماقدرتش تعمله
و الأهم إنك تبقي فاكر إن زي ما كان في سنة جديدة بتيجي عليك
في كمان سنة من عمرك بتنقص


  • Digg
  • Del.icio.us
  • StumbleUpon
  • Reddit
  • RSS

Angel & Devil




فى بعض الناس كده
بيتعاملوا على أساس إن ليهم جناحات وشوية وهيطيروا
ده على إعتبار إنهم ملايكة يعنى
وبيحبوا اوى اللى قدامهم يعاملهم من المنطلق ده
وللأسف مش بيكونوا واخدين بالهم
هما من جوه وحشين اد ايه !!


  • Digg
  • Del.icio.us
  • StumbleUpon
  • Reddit
  • RSS

الذكري ...




الذكري .. سلاح ذو حدين
لما بتفتكر ذكرياتك بتلاقي فيها اللي بيسعدك .. وفيها اللي بيحزنك
بتلاقي فيها مواقف وصور ولقطات محتاج تحتفظ بيها لباقي العمر
وتبروزها عشان تفضل فاكر إن كان في أيام حلوة أوي مرت عليك
بس كمان بتلاقي مواقف وظروف وأشخاص وحاجات كتير محتاج تنساهم
وتمحيهم من ذكرياتك كأنهم ماعدوش يوم عليها
بس مع كل اللغبطة دي إحنا بردو بنحب ذكرياتنا
ولو حسينا لـ لحظة إننا ممكن نعيش من غير ذكري
بنبقي مرعوبين
عشان كده ذكرياتنا فيها كل حاجة وعكسها !


  • Digg
  • Del.icio.us
  • StumbleUpon
  • Reddit
  • RSS

نفاق !




يرجمونها بالباطل 
يتهمونها بالكذب 
يحاولوا التَزيُن بفضيلة الأخلاق 
وفي الخفاء يتلذذوا بتذوق المعصية !!

  • Digg
  • Del.icio.us
  • StumbleUpon
  • Reddit
  • RSS

الصمت عن "القرف" !!





من بداية الحملة كنت واخده عهد علي نفسي قبل ما يكون للمدونة
إن شاء الله هحاول علي اد ما اقدر ادون كل يوم مهما كانت الظروف
سواء ظروفي انا او ظروف البلد
وكنت متخيلة إن الحملة في حد ذاتها هتخليني اهرب من اللي حواليا بالكتابه
بس لما يكون التدوين الأسبوع ده تحديداً عن اللي بيحصل دلوقتي
واللي بيجي في نفس الوقت مع كمية الأحباط اللي جوايا
يبقي انا فعلاً ماعنديش حاجة اقولها !!
اصل سوري يعني .. يبقي اهبل اللي يقول انا فاهم كلللل اللي بيحصل

ماحدش فينا ينكر إن "بعض" الجيش ليه مواقف ماتتنسيش 
زي محمد محمود وست البنات وحاجات تانية
وماحدش ابداً ابداً يقدر يقول إن الأخوان ملايكة وإن كل اعتصاماتهم سلمية 
ويملكوا من الغباء القدر الكافي اللي يخليهم عملوا و بيعملوا وهيعملوا بلاوي سودا
بس لما بتلاقي شخص ميت قدامك او جنازة مابتسألش هو تبع مين؟!
قلبك بيتوجع من قبل ما تفكر هو كان بيعمل ايه عشان يموت !
وشهيد او مش شهيد دي لا أنا ولا أنت ولا أنتِ نقدر نحددها
ربنا وحده الأعلم بيها عشان هو الأعلم بالنوايا

في البداية كنت متابعه الأخبار لحظة بلحظة 
حالياً انا بطلت اتفرج علي التليفزيون
عشان بدأت أحس إني علي مشارف الأكتئاب 
اللي بيتزامن مع كل حدث بيحصل بيخلي نُصنا مش فاهمين والنص التاني بيموت !
وبطلت افتح الفيس كتير بسبب التصادم اللي بيحصل والكلام اللي بينرفز
بدخل اتفرج في صمت بخرج منه بـ لايك والا اتنين
وخدت عهد علي نفسي مش هاعمل شير لأي حاجة سواء حلوة أو وحشة
ما هو أكيد حالة التخبط اللي إحنا فيها هيجي وقت علينا ونخرج منها ونبدأ نستوعب
ده غير إن أزمة الثقة اللي عندي بتتفاقم
لأني بطلت اثق في أى كلام إلا لما أشوف بعيني
وحتي لما بشوف بعيني بيفضل جوايا شوية شك بردو

كل اللي قلبي وعقلي بيردده الفترة دي حاجة واحدة
اللهم أرنا الحق حقاً وارزقنا إبتاعه..وأرنا الباطل باطلاً وأرزقنا اجتنابه


  • Digg
  • Del.icio.us
  • StumbleUpon
  • Reddit
  • RSS

من وحي لون مصر




غرقان هَم 
غرقان دم
لكن لسه بيحلم بـ السِلْم
ونفسه يبطل يدوق المر !


  • Digg
  • Del.icio.us
  • StumbleUpon
  • Reddit
  • RSS

الأسود .. !




حين تتشح أجسادنا بالسواد
تتبدل ملامحنا كـ ثيابنا
وتتبدل قلوبنا بأخرى
أكثر رقه
أكثر براءه
أكثر خشوع
و يبقى شئ واحد يربط بيننا قابع هناك لا يتبدل...
!! دمعاتنا



  • Digg
  • Del.icio.us
  • StumbleUpon
  • Reddit
  • RSS

ألوان الحب




هو يري الأزرق في عينيها المبتسمتين طفلة صغيرة تشتاق إليه
وهي تري الوردي في قلبه البرئ كبراءة الأطفال

هو يري الأزرق في روحها النقية كنقاء البحر في ليلة منيرة
وهي تري الوردي في أنفاسة المعطرة برائحة الورود

هو يري الأزرق في طابعه الملائكي الذي يليق بها كثيراً
وهي تري الوردي في أيام زاهية تجمعها به

ولذلك فمنذ تحابا
أصبحت هي لونها المفضل الوردي
و أصبح هو لونه المفضل الأزرق
لتجمعهما أيام لا تنتهي
ملونة بألوان الحب ...


نُشرت في كتابي قصاصات أنثوية


  • Digg
  • Del.icio.us
  • StumbleUpon
  • Reddit
  • RSS

الأبيض ... !




فتحت عينيها برويه لتتحقق مما يحيط بها كما تفعل كل صباح
فـ تصطدم كالمعتاد بهذا الفراغ الأبيض الذى يحيط بها
هى عكس كل البشر
أصبحت تبغض كثيراً ذلك اللون الأبيض الناصع
والذى أصبح بالنسبه لها هو لون الموت !!
هذا اللون الذى يكسو ارجاء غرفتها التى اصبحت وحدها دون غيرها منزلاً لها
يمر يومها دون شئ اخر سوى النظر فى أنحاء غرفتها 
والتى قليلاً ما يأتيها احداً من ذويها ليزورها
وكأنهم اعتادوا على وجودها هناك
يبدأ يومها وينتهى به 
لا ترى سواه هذا البياض الصامت القاتل
ولا تستمع سوى لرنين تلك الاجهزه الطبية الموصله بجسدها
لتغلق عينيها فى نهايه اليوم
متمنيه من الله ان تستيقظ غداً
لترى أحدى الالوان الأخرى
او حتى ألا ترى أى لون اخر ابداً !!

  • Digg
  • Del.icio.us
  • StumbleUpon
  • Reddit
  • RSS

علبه الوان




جاءت بعلبة الوانها ذات الثامنة والأربعون لون
والكثير من الورق الأبيض
وأخذت كل يوم تلون لحظاتها بلون واحد زاهي
فتمر جميع أيامها دون اللون الأسود
وحين أنتهت الوانها
ظلت تصلي إلي الله حتي يكتشفوا الوان جديدة
تستطيع بها تلوين أيام أخري زاهيه من عمرها


  • Digg
  • Del.icio.us
  • StumbleUpon
  • Reddit
  • RSS

كلام والسلام .. كلاكيت 26 مرة






احياناً بنفقد الأمل فى حاجات معينه بنمر بيها
بس سبحان الله ربنا بيبعتلنا حاجات صغيره جداً
ترجعلنا الأمل من تانى تطبطب علينا وتفرح قلوبنا
ربنا ده حنين علينا اوى

****

بعض الأشخاص و هما أبعد
بيكون بريقهم أقوى !

****

ردود افعالك سواء الكويسه منها أو السيئه
اللى بيحددها مش بس شخصيتك
لكن بيحددها كمان شخصية اللى بتتعامل معاه ومدى قربه ليك

****

فى اوقات بنسامح اللى قدمنا مش عشان إحنا من جوانا سامحناه بجد
لكن عشان انت من جواك عارف إنه عملك كل حاجه عشان تسامحه
ومابقاش فى إيده اكتر من كده يقدمه ليك !!

****

متحاولش تعامل حد على انه ملاك
عشان لما طبيعته البشرية تغلب
ماتتصدمش




شوفوا كلام والسلام اللي قبل كده
من هنا


  • Digg
  • Del.icio.us
  • StumbleUpon
  • Reddit
  • RSS

عيدكم بيضحك ツ




كل سنة و إنتم طيبين
عيد سعيد علينا كلنا ياااارب
و ربنا يجعل أيامنا كلها عيد :)


  • Digg
  • Del.icio.us
  • StumbleUpon
  • Reddit
  • RSS

طِلَّسمُ



وشمت قلبي بـ طِلَّسمُ حبك ورَحَلت !
وتركتني وحدي أُعاني نزع خطوطه بـ لهيب شوقي إليك
فـ تَبَقي أثر أخفائه كـ جرح غائر علي جدار القلب
دليل علي بقاء أثر حبك والوجع لباقي العمر

  • Digg
  • Del.icio.us
  • StumbleUpon
  • Reddit
  • RSS

سُلَّمُ رُخَامُ




اقف علي بُعد من أول درجات ذلك السلم الرخامي الأبيض
أنظر إليه شاردة
اخلع عني حذائي الناعم الخفيف الذي يشبة احذية لاعبات البالية
القيه بعيداً وابدأ في صعود ذلك السلم القابع أمامي بشموخ
اتوقف عن الصعود واكتفي بالتوقف فوق أحدي درجاته
تتسرب برودته من مسام قدمي .. تتخللنى حتي قلبي 
فتصيبه صدمة كهربائية تجعلني اعود للحياة
وصولاً إلي أعلي رأسي فأشعر بالأسترخاء
اأخذ جرعه البرودة تلك و أواصل الصعود بهدوء فوق درجات السلم امامي
يزيد احساسي بالبرودة ويزيد معه استرخائي
اصِل إلي نهاية السلم اقف بضع لحظات و أعاود النزول مرة اخرى بذات الهدوء
فيبدو وكأن الزمن يدور من حولي دون أن اشعر
وكأن البرودة جعلت زمن روحي يتوقف ويُقِيم توقيته الخاص به

اصِل إلي بداية السلم الرخامي من جديد
بعد ان نالت اطرافي من البرودة ما تحتاج
ونالت روحي من الأسترخاء ما يكفي
فـ التقطت حذائي وارتدية بذات الهدوء وأرحل...

  • Digg
  • Del.icio.us
  • StumbleUpon
  • Reddit
  • RSS

سِلْم




حروفه التي تتكون من ثلاث
لم تستطع عيني قرائتها سوي بهذا التشكيل
ربما لبحثي عنه فيهم !
وربما لأنني في الأصل أبحث عنه داخل ثنايا روحي
عَلّني أراه يزين طُرقات حياتي
فيجعل بريقها ابيض اللون كما أتمني
أو يجعل قلبي اكثر أطمناناً كما أاُمل
ولكنه اكتفي بحروفة المستنيرة عن بُعد كـ ثرية في سماء العمر

 

  • Digg
  • Del.icio.us
  • StumbleUpon
  • Reddit
  • RSS

مجهول ... !



يوم العطلة من كل أسبوع نذهب إلي بيت جدتي , ذلك البيت القديم الشامخ
الذي يقع في أحدي الأحياء البسيطة
كنت استمتع كثيراً باللعب أمامة مع أصدقاء اقابلهم كل أسبوع 
وبعدها يختفي كل منا من حياة الأخر.
تقع شقة جدتي أو منزل العائلة كما نطلق عليه في الدور الأول من البناية المتهالكة
يرتكز فوقها ثلاثة أدوار خالية يمكن أن تقول مهجورة
وهنا يجب أن أتوقف عن الحديث وربما عن التنفس.
منذ ان كنت صغيرة أقف أمام شقة جدتي 
و أظل أنظر إلي ذلك السلم الذي يصل بالدور الثاني وما يلية 
صباحاً كانت الشمس تتسرب من خلاله 
وكأن هناك شعاع للحياة يتسرب من بين خلاياه
أما ليلاً فالموضوع يختلف تماماً
مثلما كان النهار يشع بالحياة هنا
كان الليل يسدل حجابه القاتم عليه فيصبح كئيباً 
يوقظ ريبتي وخوفي ويصيبني بقشعريرة لا أعلم ماهيتها .
لم يستطع أحداً منا أنا أو أخوتي أن نقترب من هذا السلم ليلاً ولا صباحاً 
خوفا من كلام جدتي 
عن سطح المنزل البالي الذي يمكن أن يسقط تحت أقدامنا إذا صعدنا ويأخدنا معه 
كان سلم البيت مصدر تساؤل لنا 
عما يخفيه بعد عدة خطوات وراء تلك المساحة البادية اماماً
 كانت تلك الدرجات المعدودة تشكل جزءاً كبيراً من حديثنا ومخاوفنا 
خاصه مع تلك القطة السوداء ذات العيوان اللامعة التي تقف هناك
وكأنها تحرس السلم حتي من محاولاتنا التفكير في صعوده !

  • Digg
  • Del.icio.us
  • StumbleUpon
  • Reddit
  • RSS

الإستسلام ينتصر احياناً






ارفع يدي ممسكة بـ رايتي البيضاء مٌلَوِحة لهم
اعاني الإستسلام والفظ انفاس حريتي الأخيرة
أطلق العنان لروحي  فيحملوني علي أجنحاتهم
اتخيل إنني اسقط فعبء روحي لن تتحمله أجنحاتهم الرقيقة تلك
ولكن يبدو أن القيد البائد خيل لي ضعفهم
لم أعلم أن قوتهم تكمن في ذلك الريش الأبيض الصغير
فـ أرتفعوا وارتفعت روحي و ثقتي معهم
وبعد أن كنت الفظ انفاس الحرية الأخيرة
اصبحت الآن احمل داخل صدري منها ما يكفي الباقي من العمر
و جعلوني اؤمن أن الأستسلام قد ينتصر احياناً


  • Digg
  • Del.icio.us
  • StumbleUpon
  • Reddit
  • RSS

تَنبُأ !





هل خِفت يوماً من أحلامك؟؟؟؟
أخاف كثيراً من أحلامي التي كلما ساءت كلما تحققت
 اليوم أستيقظت وأنا أحمل عبء روحي التي ثقلت من حلم  أمس
ألمت قلبي ملامح صديقتي فى حلمي
لم أحلم بها من قبل بالرغم من أن صداقتنا مرعليها عدة سنوات.

طوال الطريق إليها أُفكر في حلم أمس 
و أري وجهها الشارد ذو العيون اللامعة والنظرة الغريبة التي تكسو وجهها
أحاول الاتصال بها ولكن هاتفها يأبي أن يستجيب لإتصالي .
أصل إلي الجامعة , أسرع لأقابلها ولكن بعد الكثير من البحث لم أجدها
سألت عنها الجميع و كانت إجابتهم : لم تأت اليوم !
ظل الخوف ينخر قلبي والقلق يقتل تفكيري
لا أعلم هل هو خوفاً عليها هي , أم خوفاً من تحقق حلمي المقيت

بدأ أملي في الأطمئنان عليها يخبو حتي رأيت صديقتنا الثالثه آتية 
وعلى ملامحها تلك النظرة التي تُخيفني كثيراً
فـ كان سؤالي الأول الموجه لها عن صديقتنا الغائبة هل تعلم عنها شيئاً 
فـ أخبرتني أن والدها توفي أمس 
وقد حاولت الإتصال بي و أخباري و لم أجب
ولكنني لم أكن أحتاج لأتصال لأعرف بهذا الخبر فقد تكفل حلمي بذلك !!


  • Digg
  • Del.icio.us
  • StumbleUpon
  • Reddit
  • RSS

جدار الأحلام


 
أستيقظ كل يوم بأبتسامة علي ملامحي
افيق واذهب متكاسلة نحو الجدار المواجه لسريري
فـ يدب النشاط فيّ
احصي عدد الأوراق الصغيرة التي دونت عليها أحلامي
يزيد يوماً حلم وينقص حلم آخر بتحقيقه
اقتطع ورقة صغيرة وأكتب عليها حلم اليوم والصقه بجدار احلامي
واودعه بأبتسامة ويودعني بالكثير من الأمل
فـ استعد لاستقبال يومي بثقه وتفائل


  • Digg
  • Del.icio.us
  • StumbleUpon
  • Reddit
  • RSS