يتم التشغيل بواسطة Blogger.
RSS

بين عام وعام..


لما الواحد يفكر في اللي فات واللي جاي
وخصوصًا في نهاية السنة ومع بداية سنة جديدة
بيبدأ الواحد يشوف السنة دي كأنها شريط وبيمر قدام عينيه

يمكن أكون أحيانًا بشوف ايامي بصورة مختلفة عن الحقيقة شوية
وبحس إني مش قادرة املك حاجات كتير بتمناها
بس لما شريط السنة دي بالذات بيعدي قدامي
بحس بأحاسيس كتيييير مختلفة

 
بشوف إني في أول السنة خسرت صديقة كانت عزيزة عليا جداااا
وفي السنة دي تحديدًا ولمرتين ورا بعض خسرت بيبي كان حته مني جوايا 
وده كان سبب إني أحس بالأكتئاب لفترة
وفي السنة دي كمان أتبني بيني وبين ناس في حياتي سور نفسي كبير
 صعب يتهد بسهولة

 بس لما ببص علي ده وأشوف قصاده حاجات تانية
زي إني في أول السنة دي كانت أول حفلة توقيع لكتابي 
واللي كنت مذهوله ومذبهله ومش مصدقة اللي بيحصل فيها 
من كتر ما هي كانت أجمل حتي من أحلامي
وأحتفالي بكتاب صندوق ورق مع ناس من أجمل الناس اللي أتعرفت عليهم
ووجود أسمي وكتاباتي في كُتب تانية كتير خلت ناس أكتر تعرفني
وإني قابلت د.نبيل فاروق ود.أحمد خالد توفيق اللي صنعوا طفولتي
ويوم ما كسبت في مسابقة مكتبة الأسكندرية للقصة 
وده كان حلم حتي خيالي مش سمح لي أحلمه من كتر ما حسيته صعب!
وأصدقاء كتير بقوا من أقرب وأهم الناس ليا
ورسايل ناس كتييير ماعرفهمش كانت بتوصلني وتقولي...
 إنتِ بتلهميني..أنا بحب كلامك أوي.. إنتِ بتتكلمي بلساني
ولحظات تانية لما بفتكر ضحكتي فيها بقول أيوة أنا كنت بضحك من القلب
ده غير المواقف الكتيييير اللي مريت بيها مع محمد
واللي في كل لحظة بيأكدلي وبيحسسني إن مهما الظروف
 أو المواقف بتضايقني او بتحاول تكسرني
هو واقف في ضهري وبيتحملني وبيساعدني وبيرسم الضحكة علي قلبي

كل الحاجات دي لما بحطها قدامي 
بقدر أقول بكل قوة إني مريت بسنة كفيلة جدًا تخليني سعيدة
ولما بشوف الحاجات اللي ضايقتني
بقول إن كل حاجة مريت بيها ربنا كتبها لي لسبب معين 
أنا لحد دلوقتي ماعرفوش
ودايمًا أنا بكون مبسوطة بإختيارات ربنا ليا
حتي لو كانت بصيرتي القصيرة أوي مش بتخليني أشوف حكمته في وقتها

بعد كل الكلام ده اطلع بحاجة واحدة بس
السنة دي كانت سنة جميلة أوي
الحمدالله :)



  • Digg
  • Del.icio.us
  • StumbleUpon
  • Reddit
  • RSS

أعترافات..!


الأسبوع ده في الحوليات مخصص للتدوين عن الحقيقة
من أول الأسبوع وأنا تقريبًا بفكر ممكن أكتب أيه يعبر عن الحقيقة
مالقتش غير أعترافات دايمًا بقولها بيني وبين نفسي تكون هنا.. 
عن الحقيقة




بيبقي في لحظات وأيام مهمة بالنسبة لي.. زي عيد ميلادي مثلًا
مش بحب أبقي لوحدي فيها أبدًا لأن الموضوع بيقلب بأكتئاب معايا وعياط!
بس دلوقتي بقيت عارفة إن في كل لحظاتي المهمة محمد هيكون معايا
وده بيهون عليا كتير أوي


للأسف حسيت بقيمة بابا وبحنيته وطيبة قلبه أكتر بعد ما مات
ده أقسي أعتراف بالنسبة لي!!


جدتي المرة دي وهي مسافرة عند خالاتي
كان عندي احساس وحش أوي قابض قلبي
خوفت وماعرفتش أوصفه لحد!
وكل ما كانوا بيتصلوا ويقولوا إنها تعبانه أوي
كنت بتأكد إن إحساسي عمره ما بيخيب!


أهلي عودوني إني حرة دايمًا وقادرة أخد قراراتي بنفسي
وأنفذها زي ما أنا شايفاها طالما إنها صح
ولو غلط بيناقشوني فيها ومش بيفرضوا رأيهم عليا في أي حاجة
وحتي لما كنت بأخد قرار وتظهر إن نتايجة غلط 
كانوا بيسبوني أتحمل نتيجته مهما كانت بتوجع
بس لما كبرت وبعض القرارات مابقتش متوقفة عليا أنا وبس
وبقت الظروف وبعض الأشخاص اللي حواليا بيأثروا في القرارات دي
ولما الاقي نفسي مجبرة علي حاجة معينة ماليش يد فيها
بحس بالقهر أوي أوي
وبلاقي دموعي هي السبيل الوحيد عشان أخرج القهر اللي جوايا ده
هو المفروض أهلي كانوا يعرفوني إن الزمن أوقات هيجبرني علي حاجات عكس الحرية الصح اللي عودوني عليها؟؟
والأ المفروض كانوا يعرفوني إن الأشخاص والمجتمع أوقات بيفرضوا علي الأنسان يكون مُسير؟!!


  • Digg
  • Del.icio.us
  • StumbleUpon
  • Reddit
  • RSS

من رائحة العُمر..



اليوم هو الجمعة.. 
بالرغم من إستيقاظ الجميع مبكراً ذلك اليوم إيضاً
إلا إنني لازلت اول من يستيقظ
أنهض من سريرى، وأستقبل يوم العطلة واستقبل أستيقاظهم بطريقة مختلفة.
أشعل تلك الأعواد الرفيعة، 
المنكهة بشجر الصندل والكثير من روائح الأزهار والفاكهة، 
وأثبتها فى جميع أركان المنزل، 
وأظل أحرك يدي أمامها ليزيد أشتعالها فـتطلق الكثير من عطرها.
هل يكفيني هذا؟ بالطبع لا.. 
أذهب إلي المطبخ، لآتي بأنواع أخري كثيرة قد جئت بها من العطار
نظرت إلي تلك الحبيبات المختلفة الأحجام والألوان.
اتذكر والدتي حين كنت صغيرة وفي ذات جمعة سألتها: 
ما هذه الألوان يا أمي، وعما تعبر تلك الكرة الحمراء التي تشبة العين؟
فاخبرتني أنها تسمى "عين العفريت"
حتي الآن أتذكرها بذات الأسم، وعلى عكس أسمها كلما رأيتها أبتهج كثيراً،
وكأن قلبى كان يربطها دائماً بـحنيني لأمي، ولطفولتي، 
ولذلك كنت أطلبها خصيصًا من العطار حتى صار يعتاد طلبي.
أخذت من تلك الحبيبات كمشة، 
ووضعتها فى تلك المبخرة الخزفية 
التى تُعد من تراث أسرتي عبر العديد من السنين
ووضعتها فوق تلك القطعة السوداء المشتعلة 
ليتصاعد الدخان المحمل برائحة امي يوم الجمعة، 
ورائحة عبائة أبي البيضاء 
أستنشقة مغمضة العينين، فيأتي زوجى ليخبرنى بأن الوقت قد أزف، 
ويجب أن يلحق بالصلاة ومعة أبنائنا، 
فأجبرهم على الأنتظار حتى أنتهي من تعطيرهم بتلك الرائحة التى امتلأ بها البيت
أرفع طرف عبائة كل منهم، وأضع اسفلها المبخرة الخزفية، 
فتتصاعد الرائحة إلي مسامهم فيكتفوا منها.. ولا أكتفي أنا
ثم يذهبوا إلي صلاتهم 
ويتركونى وحدى فى بيت معبق برائحة البخور القوية، 
لأستمر بأستمتاعي.
يخبرونى أن رائحة بخور يوم الجمعة اصابتني بالجنون,,,,
ولكني لا أبالي..!


من وحي حاسة الشم

 

  • Digg
  • Del.icio.us
  • StumbleUpon
  • Reddit
  • RSS

شاي بلبن





 يبدأ يومي برؤية وجهها، فأبتسم والقي عليها التحية
فتخبرني أن أنهض وأجهز لها "صينية الأفطار" 
ولمن لا يعلم ما هى صينية الأفطار.. هي تلك الصينية الصغيرة فضية اللون
التي وبالرغم من صغر حجمها تجمع حولها عائلتنا الصغيرة التى تزداد كل يوم.

أضع أمامها وعاء من الحليب يجاورة مثيله الذي يحوي الشاي الساخن 
والأكواب الزجاجية وعلبة داخلها حبيبات السكر 
في البداية كانت تسألني "كم ملعقة سكر تريدين؟" فأجيبها " أثنين" 
فتبدأ وضع محتويات الكوب واحداً تلو الأخر بنسب تعلمها هى وحدها 
فتبدو وكأنها كـ خبير يقف فى معمله ويضع تركيبة دواء تُشفي من أعباء يومي الآتية.
أخذ منها الكوب الذ يتلون بذلك اللون المميز 
فـ أتناول رشفة صغيرة منه وأغمض عينى..
أشعر و كأن هناك قصة حب بيني وبين ذلك الكوب الذي تصنعه جدتي 
أشعر به يتخلل بين مسام جسدي كله، فأجده أكثر حلاوته مما كنت اتوقع
وكأن أيدي جدتي وضعت من حنانها وحبها فيه.

في اليوم التالي سألتنى أيضاً كم ملعقه أريد؟
 فأجبتها "واحدة فقط تكفينى منكِ" وارتشفت الكوب لأخر قطرة كعادتي.


من وحي حاسة التذوق

  • Digg
  • Del.icio.us
  • StumbleUpon
  • Reddit
  • RSS

عطر الذكريات




فتحت خزانتها خلسة 
ونظرت إلي أدراجها السُفلية التي ذهبت إليها يديها في الحال
وضعت بها مفتاحًا صغيرًا وأدارته 
ليفتح الدرج امامها في سلاسة مستسلمًا لحنينها
أمتدت يديها إلي طريق تعلمه جيدًا
أزاحت بعض الحلي، والأوراق، و الذكريات
حتي وصلت يديها إلي زجاجة العطر التي تتشكل علي شكل زهرة متفتحة صغيرة
أمسكتها بـ حزن، وأحتضنتها لتجاور قلبها
فتحت غطاءها وأخذت تتشمم عبيرها
وكأن عطرها كآلة الزمن التي أخذتها من حاضرها إلي ماضيها
أخذها إلي ماضيها قبل 5 سنوات 
في عيد ميلادها العشرون
حين تعطرت لاول مرة بعطرها ذاك، وهي بكامل أناقتها
ذهبت لمقابلته وهي سعيدة ومبتهجة
 ليقابلها بأيدي خاوية ألا من حلم حُبه الزائف!
جلست جواره، تشمم عبيرها
فـ سألها عن أسم عطرها، أخبرته أسمه، فـ عشقه
ومنذاك الحين رحل عنها دون عودة.. ودون سبب!
ولم تضع ذاك العطر مرة أخري، واكتفت بأخفاءه بين الذكريات والأوراق
والعودة إلية بين الحين والأخر لتُذكر قلبها
 أن العطر لا يَعَلَق بذاكرة الحب الزائف!



من وحي حاسة الشم



  • Digg
  • Del.icio.us
  • StumbleUpon
  • Reddit
  • RSS

أحلام..







منذ أن كانت صغيرة وأحلامها تفوق عمرها بكثير
أحلام وضعت مخطط مُحكم لتنفيذها
وعاهدت نفسها أن تتبعة جيدًا
ولكن ما لم تضعه بمخططها.. من حولها ويتحكمون بمصيرها

كانت هوايتهم أن يقتلوا احلامها و يدفنوا عزيمتها
فـ لم يكن منها إلا أن هربت بأحلامها ووضعتها داخل وعاء زجاجى
واخذت تشاهد لمعة أحلامها، متمنية أن يأتى اليوم وتستطع تحقيقها.



من وحي حاسة النظر 



  • Digg
  • Del.icio.us
  • StumbleUpon
  • Reddit
  • RSS

ذاكرة الحب

 
تساءلت مروة هنا

هل للحب ذاكرة؟!

ما أعجبني في هذا السؤال
أن أكثر ما يلفت نظري وأجمل وأبقي ما بالحب هو.. ذاكرته



الحب تفاصيل صغيرة تكاد تُنسي
ومن الممكن ان يراها غيرك غير مهمة بالمرة
ولكن بالنسبة لك.. هي تفاصيل تحمل جزء من يومك، وعمرك، وقلبك
وتحمل من الأهمية ما يجعل الحب ينقشها بحروف من ذهب داخل ذاكرتك
ويخلق جزء من الذاكرة خاص به وحده، مغلق، يحمل أجمل ذكريات العمر، والحب

ربما في يومًا ما ستشعر أنك تود إستئصال ذلك الجزء الذي يزيد من آلمك
ويجعل الحنين ينخر قلبك بقسوة
ولكن بعد مرور سنوات عدة سترحل بقايا الحنين 
وتبقي هناك تلك الذاكرة -ذاكرة الحب- التي سترسم أبتسامة علي ملامحك
أبتسامة تحمل لحظات سعادة من حياتك 
بغض النظرعن مسبب تلك السعادة حينها!

بمناسبة الذاكرة أتسال..
هل تتمني يومًا محو جزء من ذاكرتك يحمل أوجاعك؟ 
أم تكتفي بما ترتكته من علامة فارقة بحياتك؟



  • Digg
  • Del.icio.us
  • StumbleUpon
  • Reddit
  • RSS

بورتريه


توقفت أمام سؤال هدي كثيرًا

وانت..كم" بورترية" شاهدتة في حياتك وتريد ان تسجلة بكلماتك ؟



الحياة بالنسبة لي تعد بورتريه يزخم بالتفاصيل، والأشخاص، والمواقف، والمشاعر
و لذا كان من الصعب أن أختار بورتريه محدد أريد توثيقه بالكلمات
ربما يبدو لي البورتريه الأقرب إلي قلبي ذلك الذي يستطع رسم بهجته فوق ملامحي
ولكن الأكيد.. أن أهم الصور هي تلك التي تجلعني اتوقف امامها، أتاملها، أرسم تفاصيلها داخل ذاكرتي لتبقي.

(بهجة محيطة، في مكان ربما لا تعلم ما هو، جميع من حولهن يهتم بما يخصه
طفلة ذات ضفيرتين تلهو ببراءة، تجلس والدتها أمامها يرتسم الحزن فوق ملامحها، تسرح في عالم لا يعلمه أحد سواها
تناديها طفلتها، فلا تستجيب، فـ تعاود الطفلة النداء، و أخيرًا تستجيب أمها
تتسأل الطفلة ببراءة "بابا فين؟"
فتخبرها أمها إنها لا تعلم، ولكنه سيأتي قريبًا -تبدو لي كأمنية لها-
فـتجيبها طفلتها بصوت يكاد يبكي "بس أنا خايفة يتأخر تاني ويوحشني!")




*و أنت، مَن الشخصية الحقيقية في حياتك التي تريد رسم بورتريه مختلف الملامح لها؟



  • Digg
  • Del.icio.us
  • StumbleUpon
  • Reddit
  • RSS

سفر الروح


بقالي فترة منقطعة عن الحوليات لدربكة كتير مش عارفة أية هي بالظبط :)
بس لما شوفت الفكرة الأسبوع ده اتشجعت
ولما شوفت سؤال خوله النهاردة
قولت لازم أرد علي سؤالها

"وأنتم أصدقائي؟ هل سافرتم يوما؟
وما هي العوالم التي تحلمون بزيارتها ؟"
 
 
لما شوفت السؤال ده جه في دماغي شئ مختلف
مش شرط يكون السفر بالجسد
لكن كفاية يكون بالروح
 لأماكن كتير بيسكن فيها ناس مكانهم أصلًا حته جوه قلبك
لأماكن كنت بتحلم تعيش فيها فـ بتلاقي تفاصيلها عايشة جواك
لأماكن زرتها مع أقرب الأشخاص لقلبك فـ فضلت هي بردو أقرب الأماكن لقلبك
أماكن عيشت فيها فترة من حياتك فـ بتكون وكأنها ألبوم ذكري دايمًا شايفه قدامك
وقتها بتحس بس بالسعادة من صور للمكان ده
صور ممكن تكون بترسم ذكرياتك
أو حتي بترسم ذكريات بتتمني تكون عيشتها
طالما تحقيق حلم السفر غير مباح
ممكن اوي أكتفي بلذة الحلم في حد ذاته
 
 
سؤالي بقي
هو الأقرب لقلبك السفر بالجسد وألا بالروح؟


  • Digg
  • Del.icio.us
  • StumbleUpon
  • Reddit
  • RSS

عيدكم سعيد :)



كل سنة وإنتم دايمًا بخير
وطيبين و مبسوطين
عيدكم سعيد
عيدكم ملون بلون قلوبكم الصافية ♥

  • Digg
  • Del.icio.us
  • StumbleUpon
  • Reddit
  • RSS

اثنين ..




ما هو رقمك المفضل؟
اثنين

لم تعرف يوماً سر حبها لهذا الرقم
وبالرغم من أهتمامها بعلم الفلك و الأبراج 
إلا أنها لم تستمع لبرجها الذي أخبرها إن هذا الرقم لم يكن هو رقم حظها !

يرتبط داخلها هذا الرقم بعدة أشياء
 بـ عامين مرا عليها تحت جنح حبها الأول
الذي إنتهي مع دقات عقرب الساعة الذي اعلنت نهاية عامهم الثاني معاً
بـ أثنين حطما قلبها وتركاها مفتته ورحلا !
بـ عامين مرا علي وفاة أقرب الأشخاص إلي قلبها

ومع كل هذا ظلت تحبه
حتي أعطاها يوماً سبباً جديراً لهذا الحب
بـ أختين يزينين حياتها
بـ عامين مرا عليها في بيت الزوجية المزين بالحب والمعطر بالألفة
مع زوج حنون يكبرها أيضاً بـ عامين
بـ طفلتين متشابهتين في الملامح والصفات


  • Digg
  • Del.icio.us
  • StumbleUpon
  • Reddit
  • RSS

نجمة واحدة



كلما كانت معه كانوا يبحثوا معًا عن النجمة الواحدة
النجمة التى تضئ السماء لتسرق ببريقها باقى الحضور
وعندما يجداها يقضيان ليلهم فى النظر إليها و الأبتسام و...الحب
أما حين تركها ورحل
كلما حاولت البحث عن ذات النجمة لم تجدها
وكأنه حين رحل سرق معه نجمتهما 
وترك سماء حياتها كئيبة.. مظلمة.. دون أمل !



  • Digg
  • Del.icio.us
  • StumbleUpon
  • Reddit
  • RSS

كتاب "كلام والسلام " .. كلاكيت كل مرة

 
أول مرة نزلت كلام والسلام كان شخصي اوي
بتكلم عن مواقف من حياتي وبس
لكن مع الوقت كلام والسلام بالنسبة ليا بقي مختلف تماماً
بقيت بتكلم عن أحاسيس كتير بتمر جوايا في مواقف بعينها
بقيت بشوف احساس ناس كتير مش بعرف اطلعه غير في كلام والسلام
وممكن و أنا قاعدة في وسط ناس كتييير وحصل موقف يخلق ف دماغي فكرة لكلام والسلام
بتناسي اللي حواليا ولازم أكتب الجُملة اللي جت في دماغي
واللي فاجئني إني مع كل تدوينة لكلام والسلام
كنت بلاقيكم بتقولولي إن نفس الكلام حصل معاكم أو مريتوا بالأحساس ده مثلاً
أو إن ده الطبيعي واللي كلنا واجب نحسه علي مدار حياتنا أصلاً

جه في دماغي ..ليه مش أجمع كلام والسلام في كتاب ؟
وخصوصاً بعد ما لاقيت ناس كتير بتاخده علي الفيس من غير اسم
وفي نفس الوقت اللي كنت بفكر فيه
لاقيت كومنت من رنا "مش ناوية تنزلي كلام والسلام في كتاب"
قولتلها وكأنك بتفكري نفس تفكيري :)
وكمان بعدها الاقي بنوته بعتالي إنها مهتمة جداً بكلام والسلام تحديداً
ونفسها أكتب عن احساسها في تدوينة منهم
ومن وقتها و أنا الموضوع في دماغي
بس لما فكرت لاقيت إن ماينفعش الكتاب يكون ورقي
لأنه أولاً بالعامية و أنا ماعنديش أستعداد أطبع كتاب بالعامية
وثانياً لأن حجمة صغير 
و أقرب للقلب من إنه يكون مطبوع وبعيد عن أي حد يحب يقرأه
فـ كان القرار إنه ينزل إلكتروني
 

كنت كسولة شوية عقبال ما خلصته
و تعب محمد معايا و زنه عليا إنه أعمله
وتعب الصديق مصطفي الكردي اللي ساعدني في إن الكتاب يكون بالشكل ده :)
و أول حاجة بقي تشجيعكم إنتم وتعليقاتك علي تدوينة كلام والسلام تحديداً
و مانساش نور لما كانت بتقولي أنا بستني التدوينة دي بالذات
بشكركم علي دعمكم ليا اللي في أحيان كتير بتعملوه من غير ما تحسوا :)
وشكراً لـ أي شخص قابلته وكان بينا موقف خلق جوايا فكرة كتبتها في كلام والسلام

اتمني تقرأوا الكتاب وأعرف رأيكم فيه
لأن رأيكم دايماً بيهمني :)

تقدروا تحملوا الكتاب من هنا

  • Digg
  • Del.icio.us
  • StumbleUpon
  • Reddit
  • RSS

.. ! ..




أقف بثبات وشموخ عند نهاية الجُملة أُزينها
وقفتي تبدو عكس ما يدور بداخلي
أشعر بالتيه و السراب
تيه يجعلني مشتت لا أفهم ما يسبقني
سراب يحتويني ويُحيط بي
أحاول الفهم ولا أستطيع
أوُقِف التفكير
و أبقي صامتةٍ
وأكتفي بتزين نهاية بضع جُمل
تاركةٍ الفهم لمن يريد



  • Digg
  • Del.icio.us
  • StumbleUpon
  • Reddit
  • RSS

عن شيرين سامي :)


كنت دايماً بقولك إنك أثرتي فيا بطريقة إنتِ نفسك مش تعرفيها
ولذلك وجب إن يكون ليكِ تدوينة خاصة أقولك إنتِ أثرتي فيا إزاى :)

لما عرفت مدونتك في حملة التدوين من سنتين تقريباً
كان في حاجة في كلامك دايماً بتخطفني
كنت بحس إنك بتحطي كل احساسك وتفكيرك في كل تدوينة بتكتبيها
لما عرفت إنك هتنزلي كتاب كنت مبسوطة عشانك جدااااا
واول ما روحت معرض الكتاب كان كتابك هو أول حاجة راحت إيدي عليها
وبقيت ببص ليه وانا مبسوطة إنك قدرتي تحققي حلمك 
وإني ماسكه كتاب عليه اسمك
وبقيت أقول لصاحبتي علي فاكرة أنا أعرفها ^^

قرأت الكتاب واللي كنت مستمتعه بيه جداً
عشان لاقيت جواه روحك وأسلوبك اللي دايماً كنت بحسه في تدويناتك
بيتهيألي كتابك كان السبب 
في إني أرجع احط كتاب جنبي و أنا نايمة علي المخدة
عشان أقراه قبل ما أنام ولو قلقت بليل

كنت لما بمسك كتابك 
بتخيل إنتِ فضلتي إزاي ورا حلمك ده عشان تحققية
وده كان البداية اللي خلت حلمي أنا كمان يتكون 
عشان يدخل في حيز التحقيق

أحب أعترفلك أعتراف مهم جداً كمان
حفله توقيع كتابك كانت هي أول حفلة توقيع لكتاب أحضرها في حياتي
ماكنش عندي القدرة إني اروح لكاتب 
واحضرله حفلة وادخل وسط الزحمة وكل ده
يمكن الخجل كان كتير بيمنعني 
وهو نفس الخجل اللي خلاني يوم حفلة التوقيع بتاعتك
اسلم عليكِ واخد توقيعك وأهرب :)
بس كنت مستمتعه بالزحمة اللي حواليكِ وابتسامتك وفرحتك
وفرحتك دي اللي كانت بتشجعني أكتر
ومن وقتها وانا عرفت منك يعني أيه أحط إيدي علي حلمي وأفضل وراه
أياً كان الحلم ده أيه و أياً كانت الظروف اللي بتواجهه أيه

عشان كده لما بيكون عندك إحباط من حاجة في مجال الكتابة
بحس إن الأحباط ده بيجيلي أنا كمان
وكأني بستمد طاقة منك في الموضوع ده تحديداً


كان لازم أكتبلك البوست ده من أول ما فكرت في كتابي اللي إنتِ سبب فيه
بس كنت دايماً مش بقدر اوصفلك إزاي إنتِ أثرتِ في حياتي


شيرين... لازم أقولك شكراً بحجم الكون :)

  • Digg
  • Del.icio.us
  • StumbleUpon
  • Reddit
  • RSS

عنك ♥


التدوينة دي كانت المفروض اكتبها من أول الأسبوع ده تحديداً
لأنه بيتكلم عن الشخصيات اللي أثرت في حياتي
وأنت من أهم الشخصيات اللي أثرت وشقلبت حياتي للأحسن
 الكلام ده مش من اول ما حبينا بعض ولا لما اتخطبنا ولا لما اتجوزنا
ده من زمااان اوي



فاكره أول مرة كلمتك خالص
لما كان بيجمعنا منتدي واحد واللي عن طريقه عرفتك
كنت بتكلمني عشان تقولي إني هاكون مشرفه علي قسم في المنتدي ده
و لما أختارت قسم صغير وشغله بسيط
قولتلي لا إنتِ شغلك أحسن من كده بكتير
و أختارت أنت قسم تاني أكبر وشغلة أكتر و أنا وافقت من غير ما اقولك حاجة
وبعدها القسم ده بقي من أهم و أكبر الأقسام في المنتدي 
وللأخر فضل الوحيد تقريباً اللي شغال
وانا كنت بحبه حب مش طبيعي 
وكأنه القوقعة بتاعتي اللي لما بدخل علي النت بفضل قاعدة فيها ومستمتعه
ده كان تأثير مهم أوي عندي كان خلي شكل حياتي وقتها ممتع أكتر
بس ماكنتش مركزة إنك سبب في التأثير ده

فاكره لما كلمتك بعد كده
وأكتشفنا إننا في كلية واحدة وفي نفس السنة
وأنت طلبت مني أجي أحضر دروس معاك لأنها هتفيدني
رغم إني وقتها ماكنتش مقتنعه خالص بحكاية الدروس في الكلية
بس قولت لما أجرب
وبيتهيألي الدروس دي كانت من أهم الأسباب اللي خلتني أعدي سنين الكلية اللي كانت باقية
و بردو وقتها ماكنتش لسة مستوعبة إنك بتأثر في حياتي

فاكره لما قابلتك أنا وولاد خالتي
و طلبت بنت خالتي منك تذكرة مترو عشان لما ترجع بلدها تفتكر أي حاجة في مصر
و انت فعلاً جبتلها واحدة وكتبتلها عليها كمان
وقتها عرفت إنك مش بتأثر فيا أنا بس 
لكن كمان بتأثر في اللي حواليا

فاكره لما بدأت مكالماتك وسؤالك عليا في التليفون يزيد
وقتها كنت بتأثر في يومي وشكل حياتي اللي بدأت تقلبها خالص
من هنا بدأت أخد بالي أنت اد اية بتأثر فيا

لما جيت واتقدمتلي و اتخطبنا و بدأنا نجهز شقتنا ولما اتجوزنا
كل دي كانت تأثيرات بتمر عليا لأول مرة
وبتحسسني بفرحة ماكنتش حسيتها ولا حتي فكرت فيها قبل كده

لما قولتلك عايزة أنزل كتاب وقولتلي طبعاً موافق وأنا معاكِ
من هنا بدأت تأثر في حلمي
وكل اللي عملته ليا بعد كده كان عشان تخليني أقدر أوصل لكل اللي بحلم بيه
وكأنك ماسك بوصلة احلامي وبتوجهها لمكانها الصح

ربنا كان كاتبلنا كل حاجة من غير ما ناخد بالنا إننا في الأخر لبعض


  • Digg
  • Del.icio.us
  • StumbleUpon
  • Reddit
  • RSS

عن أمي ♥


بما إن الأسبوع ده التدوين عن شخصيات أثروا في حياتنا
فـ طبيعي إن أول حد يجي في بالي كان "ماما"



ماما هي أول شخصية أثرت فيا وكونت شخصيتي
فيا كتير اوي اوي منها
عصبيتها وصوتها و قراراتها اللي في الغالب مش بتتراجع عنها
طريقة تعاملها مع الناس و صراحتها و انطباعها الأول عن الناس 
اللي في الغالب بيكون صح
من وأنا صغيرة كنت دايماً بشوف إني مش شبهها في أي حاجة
بس مع الوقت بقيت أحس إني ماكنتش فاهمة أى حاجة خالص

حنيتها و إنها عايزة تجيب لي حته من السماء خلاني أعرف يعني أيه امومه
قربها مني و تعاملها معايا علي إني صاحبتها مش بنتها
كل ده كان يوم عن يوم بيكسر حواجز كتير ممكن تكون موجوده بين أي أم وبنتها
مابقتش العلاقة واخده الشكل ده 
اد ما هي واخده شكل إننا بنتشاور في كل حاجة
وبالتالي بقت هي صاحبتي الأولي إن ماكنتش الوحيدة أصلاً

حبي للقراءة جه منها في البداية
بيتهيألي لو ماكنتش بتشجعني ماكنتش هيبقي حبي للقراءة بالشكل ده دلوقتي
لو ماكنتش بتشجعني علي حاجات كتير اوي في حياتي ماكنتش هاوصل لكل حاجة بعملها دلوقتي
لو كانت شخصيتي فيها حاجة كويسه فـ هي منها

ربنا يخليكِ ليا  ♥

  • Digg
  • Del.icio.us
  • StumbleUpon
  • Reddit
  • RSS